首页
E伴生活
T小生活
S生活坊
提供及时
主页 > T小生活 >10月周末好去处!保诚香港网球公开赛+网球同乐区Miss S >

10月周末好去处!保诚香港网球公开赛+网球同乐区Miss S

时间:2020-06-04      浏览:691
全城关注嘅体育盛事「保诚香港网球公开赛2017」开催喇!每年大家都非常期待呢个活动,Miss Sunny我都好锺意睇呀,事关呢个係属于国际女子网球协会(WTA)认可嘅国际系列巡迴赛其中一站,云集世界级网球高手,赛事超激烈!睇比赛之余,仲有「网球同乐日」,啱晒一家大细玩!今年主题係「香港风情」,有美食摊位、互动游戏……,好玩又多fun,睇完就出发去玩啦!

Presented by:Tennis Open

香港体育盛事!保诚香港网球公开赛

呢个係全港唯一兼最高职业水平嘅网球赛事,获得WTA(国际女子网球协会)认可,上届就吸引到去年世界排名第一嘅姬芭同七届大满贯女单冠军维纳丝威廉斯嚟香港参赛,最后仲由前世界排名第一嘅禾丝妮雅琪勇夺冠军!今届赛事同样有超过50名女子网球精英参加,各位顶尖球手将会由10月7号到15号,喺维园网球主场展开连场激战!

10月周末好去处!保诚香港网球公开赛+网球同乐区Miss S

想一睹世界排名第3位嘅丝维度莲娜、排第5位嘅云露丝威廉丝、上届冠军兼排第6位嘅禾丝妮雅琪、排第11位嘅拉云丝嘉,仲有中国球员张帅及王蔷、前温布顿网球锦标赛亚军保莎等等嘅风采?一定要把握机会入场睇波!

「网球同乐区」有乜嘢玩?

为咗进一步推广网球运动,今年位于比赛场地旁边嘅「网球同乐区」将会以全新风貌示众。呢个免费开放嘅「网球同乐区」以「香港风情」为主题,大家可以喺入面享受不同类型嘅网球乐,包括互动游戏、亲子专区、特色餐饮、赛事直播等等。保诚专区仲会举行「球星签名会,等球迷可以近距离接触世界级网球好手,好幸福呀!一边欣赏球赛,一边玩唔同嘅互动游戏,再歎埋各款参照网球造型嘅美食,仲唔係秋风起最佳活动!同Miss Sunny一样锺意同fd子饮番杯嘅朋友,就要密切留意10月12号、晚上6点到9点嘅「网球啤酒夜」,齐齐以超值价喺维园边饮边玩,爽呀!

10月周末好去处!保诚香港网球公开赛+网球同乐区Miss S
先上活动专页睇定「网球同乐区」有乜玩,去到就可以玩得更尽兴。

10月周末好去处!保诚香港网球公开赛+网球同乐区Miss S10月周末好去处!保诚香港网球公开赛+网球同乐区Miss S

一边睇网球赛事直播,一边歎特色小食,放假咁至够爽! 推介嫲婆豆腐汉堡饱、网球芝士鸡肉包同小麦草番石榴柠檬汁,惹味又清新!
10月周末好去处!保诚香港网球公开赛+网球同乐区Miss S
喺10月12号晚上6点到9点仲有「网球啤酒夜」,可以超值价喺维园边饮边玩,爽呀!

边玩边做善事!买Love Tee支持本地网球发展

大家去玩去睇比赛之余,记住要做埋善事呀!除咗「CAN Challenge 慈善领袖赛」及「慈善名人午宴」,今年赛会特别同创办T裇设计手机应用程式嘅SnapTee合作,设立「爱心T裇」(LOVE Tee)。大家只要上应用程式

活动扣除成本后所得嘅款项,将会用作支持香港网球总会为缺乏资源及有特殊教育需要嘅年轻学童提供免费网球训练,希望呢个体育活动可以喺香港更加普及!

10月周末好去处!保诚香港网球公开赛+网球同乐区Miss S

10月周末好去处!保诚香港网球公开赛+网球同乐区Miss S
拥有亲自设计嘅Tee之余,又可以做埋善事,以及令更多人参与网球活动,一举两得,必买!

留意特别活动:全民参与网球盛事

「全民参与星期一」:正赛第一日,赛会会免费开放网球主场同其他两个比赛场地畀各大市民入场观赛,咁就人人都可以近距离欣赏世界级女子网球赛事!期待!

「星期二学生日」:正赛第二日,所有全日制学生都可以免费入场观赏赛事,希望年青人睇完赛事之后,都会尝试执起球拍,体验网球嘅乐趣。

「网球童乐日」:由国际职业女子网球员担任星级导师嘅训练日,网总会邀请约一百位学童,包括网总旗下培训少年球员项目「Tennis Rocks」嘅参加者参加,大家齐齐享受网球乐趣!

10月周末好去处!保诚香港网球公开赛+网球同乐区Miss S

保诚香港网球公开赛2017 – 网球同乐区

地点:铜锣湾维多利亚公园